Makakuha ng Mga Benepisyo sa Trabaho at Pagsasanay ng IHSS
Bilang IHSS Provider, makakatanggap ka ng buwanang suweldong nakabatay sa kada oras na rate at mga taunang pagtaas ng suweldo. Mayroon ka ring access sa mga benepisyong coverage sa kalusugan at pagsasanay sa trabaho na nakasaad sa ibaba.
Tingnan ang mga rate ng suweldo ng IHSS Provider.
Mga benepisyo ng provider
- Kalusugan at Paningin: Kung binayaran ka para magtrabaho nang hindi bababa sa 25 oras sa loob ng nakalipas na dalawang magkasunod na buwan, puwede kang mag-apply para sa insurance ng Healthy Workers sa pamamagitan ng Planong Pangkalusugan ng San Francisco (San Francisco Health Plan, SFHP).
- Ngipin: Kung binayaran ka para magtrabaho nang hindi bababa sa 25 oras sa loob ng nakalipas na anim na magkakasunod na buwan, puwede kang mag-apply para sa Liberty Dental Plan.
Makakatanggap ka ng mga form ng pagpapatala para sa application bago ang takdang petsa ng application. Kung magpapatala ka bago lumipas ang ika-12 araw ng buwan, magsisimula ang iyong coverage sa unang araw ng susunod na buwan.
Kung hindi ka pa nababayaran para sa binigyan ng awtorisasyon na bilang ng mga oras kada buwan, wawakasan ang iyong insurance. Aabisuhan ka sa pamamagitan ng koreo isang buwan bago matapos ang iyong insurance. Kung wawakasan ang iyong insurance, dapat kang mag-apply ulit para sa coverage kapag kwalipikado ka na.
- Kung hindi mo matanggap ang iyong mga form ng pagpapatala, makipag ugnay sa Public Authority sa benefits@sfihsspa.org gamit ang iyong buong pangalan at numero ng ID ng IHSS Provider. Puwede kang humiling ng mga form na nasa English, Chinese, Russian, Spanish, Filipino, at Vietnamese.
- Tingnan ang buod ng benepisyo ng Healthy Workers at Liberty Dental Plan.
- Tingnan sa webpage ng Public Authority Benefits o tumawag sa (415) 593-8125 para sa karagdagang impormasyon.
Ang insurance na Bayad-pinsala sa Mga Manggagawa ay nagbibigay ng pamalit sa sahod at mga medikal na benepisyo kung mayroon kang pinsala habang nagtatrabaho para sa isang IHSS Recipient.
Para maghain ng claim sa Bayad-pinsala sa Mga Manggagawa:
- Makipag ugnayan sa IHSS Social Worker ng iyong tatanggap upang iulat ang pinsala. Tumawag sa (415) 557-6200 para sa impormasyon ng Social Worker.
- Download Workers' Compensation Claim Form (DWC 1) at kumpletuhin ang mga bahagi ng empleyado 1 hanggang 9.
- Email ang form sa info@intercareins.com
- I-file ang iyong Workers' Compensation claim sa Intercare Insurance sa pamamagitan ng pagtawag sa (800) 771-5454
Para sa karagdagang impormasyon, bisitahin ang website ng Intercare.
Kinakatawan ng SEIU Local 2015 ang mga IHSS Provider para sa sama-samang pakikipag-bargain para sa pagtaas ng sahod ng mga miyembro, coverage ng mga benepisyo, mga kundisyon sa pagtatrabaho, at mga pamamaraan ng karaingan.
- Para sa impormasyon ng SEIU, tumawag sa (855) 810-2015, bisitahin ang SEIU sa 1645 California Street, o bisitahin ang SEIU2015.org.
- Upang sumali sa SEIU, bisitahin ang SEIU Local 2015 membership enrollment.
May opsyonal na ID ng IHSS Provider na available sa IHSS Public Authority. Magpa-appointment para makuha ang iyong ID.